Retorika e ironisë politike vazhdon edhe jashtë dyerve të kuvendit, ku opozita nuk po i ndjek më seancat. Gjatë kohës që sot zhvillohej seanca e radhës, dy krerët e grupeve kuvendore të PD dhe LSI kanë depozituar në prokurori një padi penale për Kryeministrin e vendit.
Padia lidhej me çështjen e Xhisiela Malokut dhe qëndrimin e kryeministrit ndaj ish-nënkomisarit Emiljano Nuhu. Sipas padisë Rama ka penguar zbardhjen e së vërtetës dhe shantazhuar ish-oficerin.
I menjëhershëm ka qenë reagimi i Ramës në rrjetin sociale tuiter, ku i ka quajtur dy deputetët gjysmagjela teksa ka kujtuar edhe një herë çështjen Babale.
Deputeti Spaho i është përgjigjur Ramës me një postim në FB, ku e cilëson “gjeli i rrjepur” dhe shton ndër të tjera se po presin analizat e zërit të Gones, referuar Agron Xhafajt.
Postimi i plotë i Spahos
Sot denoncuam ne Prokurori gjelin e rrjepur te krimit te organizuar ne Shqiperi per Kanosje për shkak të detyrës; Veprime që pengojnë zbulimin e së vërtetës dhe Kanosja për të mos kallëzuar, te ushtruara ndaj Nenkomisarit Emiljano Nuhu.
I paska mbushur poturet e Haxhi Qamilit megjithese Prokurorine e ka si fraksion te Rilindjes. Po presim te na tregosh analizat e zerit te Gones. I dergoj Inglizi apo jo? Apo do i dergoje kur te cele gjethi? / Opinion.al
