Njeriu i Memeve në Shqipëri, Genc Sejko, të shtunën, publikoi një postër në profilin social Facebook për heshtjen e disa shoqatave për dhunën kundër gruas në lidhje me rastin e dhunimit të Xhisiela Malokut, nga djali i deputetit socialist Rrahman Rrahja.
Në posterin e publikuar nga Sejko, vihen re personazhe të njohura të aktivizimit social si Dalina Fico, Elsa Ballauri dhe Majlinda Bregu, etj.
Posteri ishte shoqëruar me diçiturën: Ju që merrni miliona për mbrojtjen e gruas…Kur do flsini!
Me një ironi të thellë dhe me një sy kritik të fortë, Sejko ka shfaqur revoltën e tij ndaj kësaj heshtje nga njerëzit që aktivizmin publik dhe mbrojtjen ndaj grave e kanë edhe punë, por edhe rrogë.
Mirëpo, ironia dhe protesta e tij nuk është pritur mirë nga ish-ministrja Majlinda Bregu, duke e kërcënuar edhe me padi në gjykatë.
“Të mos isha në mes të një hidhërimi për përcjelljen në botën tjetër të një mikeje të shtrenjtë, sot do të padisja ty Genc Sejko! Fare thjesht! Në bazë të nenit 617/1 të Kodit Civil të Republikës. Përgjëgjesia për publikimet online të komenteve që cenojnë nderin, personalitetin ose reputacionin e personit” ndryshimet e të cilit i kam propozuar vetë”,-citohet nga komenti i znj.Bregu në profilin e Genc Sejkos në Facebook.
Sipas saj, Sejko është një dhunues i radhës që përgojon, mashton, fyen dhe vret.
“Ti nuk do arrish dot edhe po të jetosh 200 vjeç, të flasësh, bërtasësh, qash, të mbrosh aq gra sa jam përpjek une e plot gra të tjera me zë publik në këtë vend”,- i shkruan Bregu.
Ajo ka bërë debat për meme-n dhe foton e saj, ndonëse ende nuk ka shprehur ndonjë qëndrim për rastin e vajzës së dhunuar nga djali i deputetit socialist. E njohur për reagimet e saj të forta publike në mbrojtje të të drejtave të grave, këtë herë për skandalin e fundit ish ministrja e PD nuk është shprehur ende.
