Një student 23 vjeçar në Fakultetin e Mjekësisë në Universitetin e Prishtinës ka humbur jetën. Viktima është Leutrim Gjini, nga Suhareka i cili ka humbur jetën pasditen e djeshme, pas një ataku në zemër, pak minuta para se të hynte në provim.
Vdekjen e 23-vjeçarit e ka konfirmuar drejtoresha e Klinikës së Gjinekologjisë në Qendrën Klinike Universitare të Kosovës (QKUK), Myrvete Paçarada. Në një prononcim për mediat, Paçarada ka thënë se studenti 23-vjeçar kishte pësuar atak kardiak pak minuta para se të futej në provim tek lënda e Gjinekologjisë.
Paçarada ka thënë se studenti nga Suhareka ndërroi jetë në Klinikën e Kardiologjisë në QKUK, pas rreth dhjetë orësh trajtim nga mjekët.
