Kalimi në konvikt nga njëra anë është emocionuese, sepse po lëvizni nga shtëpia dhe po jetoni më vete, por nga ana tjetër është shqetësues sepse do të jetoni me një grup njerëzish që nuk e njihni.
Kur bëhet fjalë për njerëz që jetojnë bashkë me ju, ndodh që ata mund të bëhen miqtë tuaj më të mirë ose njerëzit më të çuditshëm që keni takuar ndonjëherë.
Prestigjozja “Mirror” ka ndarë historinë e çuditshme të një studenteje bazuar në letërkëmbimet e saj me hallën .
Ja çfarë shkruan ajo:
“Po ndaj dhomën me një të panjohur, shtetase indiane. Po e quaj Leanne, por ky nuk është emri i saj i vërtetë. Leanne kishte mbuluar pjesën e saj të dhomës me fotografi të disa burrave.
Supozova se ata ishin artistë të famshëm indianë dhe botërorë, por rezultoi se kjo nuk ishte e vërtetë.
Mendova se ajo ishte një hipster që vendos fotot e yjeve të vjetër në mur.
Një ditë shoku im erdhi në dhomën tonë dhe më tha se të gjithë zotërinjtë në fotografitë e saj ishin vrasës serial: Ted Bundy, Jeffrey Dahmer, Ed Gein por dhe të tjerë.
Unë i kërkova asaj ti hiqte fotot por ajo refuzon. As nuk më shpjegon arsyen e vërtetë përse i mban fotografitë e tyre në dhomë. Momentalisht po i kaloj netët në dhomat e miqve të mi dhe po pres derisa të kem një mundësi për tu transferuar.”
Disa komentues e kuptojnë dhe mendojnë që është me të vërtetë e arsyeshme dhe e pjekur që dikush të mos dojë imazhe të vrasësve serialë në muret e dhomës së gjumit dhe i sugjeruan që të merrte zyrën e strehimit nëse gjërat nuk përmirësoheshin.
Disa të tjerë i sugjeruan të hakmerret duke vendosur fotot e viktimave të vrasësve.
Sigurisht qe kishte dhe nga ata që i thanë të mos merrej fare me shoqen e dhomës, sepse kishte hapësirën e saj. /Opinion.al
Burimi: Mirror
