Kuvendi i Shqipërisë mblidhet në seancë plenare sot në orën 10:00. Çështja më e rëndësishme për të diskutuar lidhet me ligjin për Magjistratët. Në seancën e sotme, do të votohen edhe ndryshimet në Kodin Rrugor. Por ashtu si javët e shkuara opozita e bashkuar do të bojkotojë sërish Kuvendin.
PD njofton se do të prezantojë sot në Tiranë masat antimafia për çlirimin e ekonomisë nga korrupsioni dhe oligarkia. Këto masa sipas PD-së kanë për qëllim sekuestrimin e pasurive publike të fituara me kontrata në kundërshtim me ligjin.
RENDI I DITËS
Miratimi i procesverbalit të seancës plenare të datës 20.9.2018 (neni 44, Rregullore)
2. Njoftimi i projektligjeve të depozituara në Kuvend (neni 44, pika 3 e Rregullores)
3. Projektligji “Për një ndryshim në ligjin nr. 102/2015, “Për sektorin e gazit natyror”
4. Projektligji “Për dhënien me qira të tokës bujqësore e pyjore, të livadheve dhe kullotave”
5. Projektligji “Për aderimin në aktin e Gjenevës të marrëveshjes së Lisbonës për emërtimet e origjinës dhe treguesit gjeografikë”.
6. Të mbartura për votim:
– Projektligji “Për disa shtesa dhe ndryshime në ligjin nr. 96/2016 “Për statusin e gjyqtarëve dhe prokurorëve në Republikën e Shqipërisë” (Neni 81/2 i Kushtetutës dhe nenet 73-77, Rregullore, votim me shumicë prej 3/5 e të gjithë anëtarëve të Kuvendit)
– Projektligji “Për një ndryshim dhe shtesë në ligjin nr. 8378, datë 22.7.1998 “Kodi Rrugor i Republikës së Shqipërisë”, të ndryshuar”” (neni 81/2 i Kushtetutës dhe nenet 73-77, Rregullore, votim me shumicë prej 3/5 e të gjithë anëtarëve të Kuvendit)
7. Diskutime për çështje jashtë rendit të ditë
