Drejtuesit e mjeteve në Tiranë përballen çdo ditë me trafikun e rënduar. Në fotot bashkëngjitur këtij shkrimi janë Bulevardi Dëshmorët e Kombit dhe Unaza nga Rruga e Elbasanit në drejtim të Brrylit. Siç shihet me dhjetëra mjete janë bërë varg dhe qendrojnë aty për minuta të tëra. Drejtuesit e mjeteve ankohen pasi trafiku është në çdo orë të ditës nga mëngjesi e deri në darkë, duke bërë që të humbasin kohë dhe konsum karburanti. Ndërsa Bashkia e Tiranës dhe Policia Rrugore nuk duket të kenë marrë ndonjë masë për të përmirësuar gjendjen e trafikut.
