Partia për Drejtësi, Integrim dhe Unitet ka dalë zyrtarisht nga koalicioni me mazhorancën e Edi Ramës. Vendimi është marrë në mbledhjen e sotme të Këshillit Kombëtar të kësaj partie. Mbledhja e zhvilluar pasditen e sotme ka vendosur që të mandatojë kryetarin Shpëtim Idrizi që të zhvillojë negociata me opozitën.
Gjatë fjalës së tij nga ky takim, Shpëtim Idrizi akuzoi Edi Ramën dhe qeverinë e tij sidomos për marrëveshjen e fshehtë me Greqinë dhe fshirjen e çështje çame.
“Kjo qeveri nuk njeh çështjen came. Sot Rama ka partner strategjik Ciprasin. Nuk na kanë sqaruar se çfarë është biseduar me palën greke për çështjen çame”, u shpreh ndër të tjera Shpëtim Idrizi.
