Serialet turke janë bërë ndër serialet më të ndjekura në Shqipëri dhe jo vetëm e siç duket njerëzit kanë filluar të krijojnë pëlqime të ndryshme për aktorë apo aktore të ndryshme. Tashmë, aktorët turq janë kthyer në personazhet më të preferuar të shqiptarëve dhe jo vetëm. E një ndër aktorët turq më të dashur nga publiku, sidomos femrat, është Çagatay Ulusoy, ose i njohur si “Sarp” në serialin “I infiltruari”.
Së fundmi aktori nuk po e gjen më kënaqësinë tek aktrimi, por ka gjetur një pasion tjetër, artin e qeramikës. Mediat turke shkruajnë se Çagatay do e kthejë shtëpinë e tij në një punishte qeramike dhe ta zhvillojë si biznes këtë art për të cilin po merr mësime për ndërtimin e vazove.
