Këngëtarja shqiptare Dua Lipa, është pa dyshim njëra ndër këngëtaret më të suksesshme të momentit në Angli.
Ajo është e adhuruar nga miliona fansa në mbarë botën, teksa ndiqet hiq më pak se 17.5 milionë prej tyre në Instagram.
Shumica e fansave e shohin këngëtaren si inspirim për të arritur famën dhe suksesin në një moshë kaq të re, siç ka arritur Dua.
Së fundmi, Dua performoi në Electric Picnic Festival, në Dublin të Irlandës, ku u mirëprit nga mijëra fansa.
Në prapaskenën e festivalit kishin shkuar dy fanse të zjarrta të këngëtares, të cilat po intervistoheshin nga Radio BBC 1.
Ato tregonin se si ndoshta janë fanset më të mëdha të Duas, teksa në një moment idhulli i tyre vjen dhe i befason ato.
Me të arritur Dua, fanset filluan të qajnë nga besimi, duke mos e besuar që ajo ishte aty.
Kjo duket të ketë qenë një prej befasive më të mira që këngëtarja shqiptare ka bërë ndonjëherë për fansat e saj.
