Pas publikimit të projektit të fundit muzikor Luana Vjollca duket se po i shijon shumë këto ditë të nxehta vere. Si gjithmonë ajo di të tërheqë vëmendjen e të gjithëve dhe siç duket ka vendosur të mos ndalet së punuari pasi Luana ka treguar se ka disa plane të mëdha së fundmi.
Sezonin e kaluar moderatorja e njohur shqiptare, Luana Vjollca, u pa në moderimin e emisionit “Shiko kush luan” në ekranin e ‘Top Channel’, që bëri shumë bujë. Mirëpo, duket se Luana këtë sezon të ri do të shfaqet në ekranin televiziv nën moderimin e një emisioni shumë herë më të madh.
Sipas disa burimeve për “Iconstyle.al”, Luanës i është besuar moderimi i reality shoë-t ‘Big Brother Vip’, i cili do të vijë për herë të parë për publikun shqiptar. Edhe vet Luana ka postuar disa foto në profilin e saj në Instagram, ku tregon se ka nisur xhirimet për spotin televiziv.
