Dy djem të rinj të familjes Dogani kanë mbetur të vdekur mbrëmjen e djeshme në fshatin Arapaj të Roskovecit në Fierit. 21-vjecari Martin Dogani, nga spitali ku ndodhet për mjekim ka rrëfyer ngjarjen për mediat, duke treguar bisedën e fundit me kushërinjtë dhe momentin fatal kur një makinë që ecte me shpejtësi i përplasi pas murit. Në këtë aksident të rëndë mbeten të vdekur Amarildo Dogani dhe Festim Dogani 21 dhe 29 vjec.
Si ndodhi ngjarja?
Ne ishim 4 çuna xhaxhallarësh dhe po qendronim rreth gjysmë metri nga trotuari, jo në asfalt. Kishim pirë kafe dhe dolëm jashtë dhe por rrinim. Në muhabet e sipër dëgjojmë një zhurmë shumë të fortë frenimi. Kur pas pak momentesh cohet njëri nga këta çunat e xhaxhallarëve dhe ikën i pari, më pas kur ikën i dyti më kap cepi i makinës dhe më përplas në mur. Ngela pa ndjenja. Dy cunat e xhaxhallarëve i përplasi për matanë.
Ju e njihni shoferin Amarildo Çalamanin. Është banor i zonës?
Po është banorë i zonës. E kam pas shok shkolle.
Sipas banorëve ai ishte duke bërë veprime jo normale kohët e funidit duke ecur me fena dore me shpejtësi?
Ai e ka bërë atë për shaka se unë e kam pas shok. Ai nuk ka dashur ta bëjë. Ishte çun i mirë.
Ishte me shpejtësi?
Po besoj me 130 km/h
Si ndodhi që doli nga rruga?
Ai ka bërë frenim. Dhe në atë moment nuk e ka mbledhur dot makinën.
Ju po qëndronit në trotuar?
Në lokal o burrë, po bisedonim jashtë lokalit.
Sipas banorëve, por diskutonit që të shkonit të punonit në Greqi?
Po donim të iknim në Greqi…
Po gjendja e rrugës a ka ndikuar, pasi nuk ka ndriçim?
Ajo rrugë ka qenë sketerrë, ndërsa tani është asfaltuar. Faji është i personave që nuk janë në rregull sepse duhet të ecin me ngadalë, dhe nuk duhet të ecin me shpejtësi. Nuk është faji i rrugës…
Pamjet nga aksidenti i mbremshem (e diel) në fshatin Arapaj te Roskovecit
