Një konflikt mes një çifti në Cërrik, mund të kishte përfunduar në tragjedi nëse nuk do të ndërhynte policia. Myslym Abazi 58 vjeç, dhunonte vazhdimisht bashkëshorten e tij 54 vjeçare. Pas një konflikti, mes tyre 58-vjeçari, ka ushtruar dhunë fizike ndaj bashkëshortes së tij, dhe kjo e fundit ka marrë armën tip automatik dhe ka qëlluar në ajër. Ndërhyrja e policisë në kohën e duhur, ka sjellë arrestimin në flagrancë të çiftit, duke parandaluar kështu një tragjedi të mundshme. Është sekuestruar edhe arma automatik e cila mbahej pa leje në banesë.
Njoftimi:
Ndërhyrja në kohë e Policisë parandalon përshkallëzimin e mëtejshëm me pasoja të rënda të një konflikti familjar.
Ushtron dhunë fizike ndaj bashkëshortes arrestohet në flagrancë nga Policia.
Arrestohet në flagrancë edhe bashkëshortja pasi ka kanosur me armë zjarri bashkëshortin duke qëlluar në ajër me automatik.
Sekuestrohet arma e zjarrit automatik dhe 18 fishekë
Në Sallën Operative të Komisariatit të Policisë Cërrik ka ardhur një telefonatë se në fshatin Seferan Belsh, në familjen e shtetasit Mylazim Abazi, ka një konflikt familjar mes bashkëshortëve, ku janë dëgjuar edhe të shtëna me armë.
Menjëherë në drejtim të vendit të ngjarjes kanë shkuar shërbimet e policisë, ku ka rezultuar se:
Shtetasi Mylazim Abazi, 58 vjeç, kishte ushtruar dhunë fizike ndaj bashkëshortes së tij shtetases Adelina Abazi 54 vjeçe, e cila më pas kishte marrë një armë zjarri automatik që e mbanin në banesë pa leje dhe ka kërcënuar bashkëshortin duke qëlluar në ajër në banesë.
Ndërhyrja në kohë e Policisë ka parandaluar përshkallëzimin e mëtejshëm të konfliktit duke bërë arrestimin në flagrancë të dy bashkëshortëve për “Dhunë në familje”, “Armëmbajtje pa leje” dhe “Kanosje”.
Grupi hetimor ka sekuestruan në cilësinë e provës materiale një armë zjarri tip automatik me një krehër me 18 fishekë, si dhe 2 gëzhoja të qitura nga arma automatike.
Materialet u referuan në Prokurorinë pranë Gjykatës së Shkallës së Parë Elbasan për veprat penale të parashikuara nga nenet 130/a,278/3 dhe 84 të Kodit Penal.
