Partia Demokratike ka kërkuar edhe të shtunën arrestimin e deputetit socialist Jurgis Çyrbja, pas publikimit të përgjimeve ditën e djeshme nga media ku komunikonte me Gilmano Danin, krahun e djathtë të Emiliano Shullazit.
Në një dalje publike nga selia blu, deputeti i PD-së Ervin Salianji akuzoi kryeministrin Edi Rama lidhur me faktin që nuk ka reaguar, ndërsa theksoi se deputeti i PS duhet të ishte në burg. Po ashtu PD akuzoi edhe Prokurorinë për faktin që nuk ka reaguar.
Salanji: Jurgis Çyrbja Faktohet si anëtar i bandës së Shullazir. Si dhe si bashkëpunëtor në regjistrimin e pasurive të tij. Deputeti i Ramës vendosi që t’i hedhë hi syve shqiptarëve. Është e papranueshme që Prokuroria nuk ka reaguar. Deputeti i PS ka komunikuar me Gilmano Danin, krahu i djathtë i Shullazit. Jurgis Çyrbja ka regjistruar pronën në Durrës. Pse e ka kyçur gojën Edi Rama? Që komenton fustanet e grave, dhe jo lidhjet e deputeti të PS me krimin. Deputeti i PS duhet të ishte arrestuar, anëtar i bandës së Emiljano Shullazit.
