Gjatë vizitës së saj zyrtare në Tiranë, presidentja kroate Kolinda Grabar Kitaroviç, doli në një konferencë për shtyp me homologun Meta nga Presidenca.
E pyetur lidhur me çështjet e ndotjeve mjedisore e veçanërisht ndotjen e Adriatikut që ka përçuar ndotje edhe në bregdetin Dalmat, Kitaroviç u shpreh se ka një projekt të përbashkët rajonal për pastrimin e detit Adriatik.
“Kroacia është donatori kryesor i një projekti për pastrimin e detit dhe duam ta ndihmojmë Shqipërinë që ta kalojë këtë problem për të ruajtur mjedisin”, tha Presidentja kroate.
“Para se Kroacia të hapte negociatat, fusha e pastrimit mjedisor ishte një nga çështjet më të vështira dhe Shqipëria ka të njëjtat probleme”, u shpreh ajo.
Ndërsa Presidenti Meta ne fjalen e tij, u shpreh nder te tjera se : “Kroacia ka qenë dhe mbetet një mbështetëse e fortë e çeljes së negociatave të anëtarësimit të Shqipërisë në BE”.
