Ministri i Brendshëm Fatmir Xhafaj u shfaq sot në mesditë në një konference nga porti i Vlorës, ku foli për masat që janë marrë nga policia për sezonin veror.
Përpos kësaj teme, ai u pyet nga gazetarët nëse janë marrë masa për të luftuar kultivimin dhe trafikimin e hashashit, pasi në raportin e fundit të Antidrogës italiane, rezultonte se Shqipëria vazhdon të ishte eksportuesja më e madhe e drogës drejt brigjeve italiane.
Ministri Xhafaj, duket se mezi i lidh fjalët kur pyetet për hashashin. Deklarata e tij bëhet e vështirë për deshifruar, kur ministri i shoqëron fjalët me pasthirrma dhe ngecje…
“Një nga çështjet që kam diskutuar me drejtorinë vendore të kufirit ka të bëjë me aspektin…ka të bëjë me trafikun e drogës dhe pavarësisht treguesve pozitive, ende ka vend për një një kujdes të shtuar edhe nga pikëpamje logjistike edhe nga pikëpamje e efikasitetit të strukturave me frenimin eeeee trafikut si trafikun e drogës si me trafikun e qenieve njerëzore. Natyrisht se dua ta theksoj se përkundër asaj propagande të shfrenuar që bëhet nga opozita për të nxirë çdo gjë, ne jemi të kujdeshëm për të qenë më efikas”, u shpreh ministri.
*Shihni vetë deklaratën e ministrit në videot më poshtë
/Opinion.al
