Një princeshë e përsosur! Kështu mund të quhet e ëmbla Charlotte, e cila edhe njëherë ka “vjedhur” shfaqjen mbretërore, duke realizuar një shtrëngim duarsh shumë të sjellshëm me Kryepeshkopin e Canterbury.
Mbretëresha e vogël, tre vjeçare, tregoi sjelljet e saj të mira gjatë ceremonisë së pagëzimit të vëllait të saj Princi Louis.
Babai i tyre, Princi Uilliam po i mbante dorën princit George dhe Princeshës Charlotte dhe mund të dëgjohej t’i inkurajonte teksa po hynin në kishë. Charlotte dukej e gëzuar teksa po ecte drejt kamerave ndërsa Xhorxhi dukej më hezitues.
Uilliami inkurajoi George dhe Charlotte të ‘shtrëngonin duart’ me Kryepeshkopin e Canterbury. Vetëm Charlotte iu bind të atit duke bërë që njerëzit përreth ta vlerësonin për gjestin e saj. Ajo gjithashtu ndau një shtrëngim duarsh me Dekanin e The Chapel Royal, Zoti Chartres përpara se të shkonte brenda.
Në moshën tre vjeçare Charlotte është e njohur për natyrën e saj të sigurt dhe shkëlqen në publik, teksa shumë kanë nxituar ta krahasojnë me Mbretëreshën Elizbaeth përsa i përket karizmës që zotëron.
