Duket se edhe ky sezon turistik do të jetë problematik për pushuesit në vijën bregdetare të Shqipërisë. Dy persona ia kanë hedhur paq sot ndërsa po mbyteshin në zonën e plazhit të Golemit.
Siç shikohet edhe nga një video e siguruar nga Report Tv, një 14 vjeçar ka mbetur fillimisht mes dallgëve, ndërsa në ndihmë i kanë shkuar kushëriri i tij bashkë me një person të dytë, të cilët edhe këta kanë rrezikuar të mbyten.
Për fat të mirë ndërhyrja e dy personave që i shkuan në ndihmë ka rezultuar efikase, në të kundërt sot do të kishim edhe një viktimë tjetër në det.
A.Gllava ka mundur që me një kamerdare të dalë në breg, ndërsa i afërmi i tij ka dalë me shumë vështirësi me not deri në mol, ku më pas është ndihmuar edhe nga persona të tjerë.
Vetë 44 vjeçari tha se hyri në det për të shpëtuar djalin e vogël, ndërsa thotë se është nga Berati.
Ndërsa janë dërguar në Spitalin e Kavajës ku kanë marrë ndihmën mjekësore për tu larguar më tej në banesën e tyre.
