Një 55-vjeçar është plagosur me thikë pak minuta më parë në qytetin e Fierit. Ngjarja ka ndodhur në vendin e quajtur ‘Grecalli’, ndërsa i plagosur ka mbetur Petraq Gjika.
Ai është goditur nga pas me thikë nga një person ende i paidentifikuar teksa ishte ulur në një lokal pranë vendit të tij të punës. Pasi e ka qëlluar me thikë nga pas, autori është larguar me shpejtësi.
55-vjecari është transportuar në spitalin e Fierit me disa plagë në bark dhe në fyt. Nuk dihen ende shkaqet dhe motivet e ngjarjes. Policia ka nisur hetimet për identifikimin dhe kapjen e autorit.
