Lojtari i kombëtares së Zvicrës, Valon Berhami ka folur për festimin që bënë me shqiponjë Xhaka dhe Shaqiri gjatë festimit të golit.
Berhami tha se është i lumtur që lojtarët nuk u pezulluan nga Botërori.
“Natyrisht ne jemi të lumtur që asnjëri nga ne nuk u suspendua. Nuk do të ndodh sepse ndeshja e radhës nuk është aq speciale sikurse ajo e para. Ndoshta ata do të festojnë me këtë gjë me klubin e tyre, por nuk do të ndodh më në Botëror” ka thënë lojtari me origjinë shqiptare.
Xhaka dhe Shaqiri u dënuan nga FIFA me 10 mijë franga gjobë për simbolin e shqiponjës që bënë në ndeshjen ndaj Serbisë.
