Këngëtari i njohur i hitit “Just a dream” i ka habitur orët e fundit të gjithë fansat, teksa ka shpërthyer në akuza kundër babait. Nelly nëpërmjet disa postimeve që ka bërë në Twitter ka treguar problemet që ka me të atin dhe e ka sulmuar atë duke i thënë se kurrë nuk ka qenë një baba i denjët për të.
“Fjala baba është fjalë e fuqishme… diçka që unë nuk e ndjeva sa isha fëmijë sepse i imi kurrë nuk bënte atë që duhet të bënte, vetëm atëherë kur i donte qejfi. I kam mbyllur punët me ty, s’ka më para nga ana ime, le të t’i paguajnë të tjerët faturat”, ka shkuar reperi në një nga postimet e tij. Mirëpo ai nuk është ndalur me aq dhe ka vijuar më tej me akuzat, duke i kujtuar vitet kur ai ka qenë fëmijë dhe që babai nuk i është gjendur asnjëherë pranë në moment më të rëndësishme.
“Ti nuk e shihje mamanë time.. duhet të dini se ajo ia doli të kishte përherë një punë, të më shihte teksa luaja, teksa shënoja, të më fshinte lotët kur humba ndeshjen e madhe dhe të më mësonte si t’i luaja sportet.! Thjesht sepse është e shkruar në ADN- në tënde, kjo s’të bën baba, gjaku nuk mjafton..!!! Babai im kurrë s’më pa teksa luaja, kurrë s’më mësoi diçka, s’më pa teksa diplomohesha dhe pavarësisht kësaj kam plot 20 vite që kujdesem për të, ndërkohë që ai s’është kujdesur as sa gjysma për mua. Prapë se prapë, edhe pse i paguaj çdo faturë vazhdon bën çfarë i do qejfi. Në fakt I PAGUAJA, që të jem më i saktë…!! Mjaft më, gjithçka mori fund që sonte…!!!”, ka përfunduar Nelly.
