Policia e Durrësit po zhvillon hetime intensive pas kapjes së sasisë së madhe të parave Cash në portin e këtij qyteti në dy automjete “Toyota” që ishin ngarkuar në një kamion dhe ishin nisur me traget nga Ankona.
Janë disa persona të shoqëruar, ndërsa një prej tyre është edhe i riu Klevis Lika, djali i pronarit të kamionit. Gazetarja Klodjana Haxhiaj ka mundur të zhvillojë një bisedë me gjyshin e Klevisit, i cili ndodhej në port duke sjellë detaje të reja për “BalkanWeb”.
Gjyshi thotë se nipi i tij kishte 3-4 muaj që merrej me transportin e makinave dhe se djemtë e tij kanë një servis automjetesh.
U erdhën në shtëpi policia?
Po, po e kanë bërë shtëpinë…(bën gjest me dorë)
Në çfarë ore?
Nuk e mbaj mend orën.
Sa kohë ka që merret nipi juaj?
Kishte në 3-4 muaj. Punonte si shoqëruesi i shoferit të kamionit. Është kalama, është 19 vjeç.
Ku i kishte marrë makinat?
Nuk di gjë. Nuk ka folur me të.
Ku i ka prindërit?
Në Tiranë. Kanë një servis makinash çunat. E ëma është në shtëpi.
Po më herët me çfarë është marrë?
Ka qenë në shkollë.
I kujt është kamioni?
Shihni dokumentet.
Çfarë i tha policia?
Kontroll e asgjë tjetër. Nuk gjetën asgjë.
