Një prej mediave më të mëdha zviceriane “Blick” ka falënderuar dy shqiptarët, Granit Xhaka dhe Xherdan Shaqiri, për performancën në fitoren ndaj Serbisë.
Dy superyjet shqiptare ishin autorët e golave në takimin që u zhvillua në Kaliningrad.
“Blick” ka dalur me titullin falënderues për shqiptarët.
“U falemi dy shqiponjave Xhaka dhe Shaqiri, ëndërrojmë më lart. Kombëtarja e ka kualifikimin në fazën e eliminimit direkt në duart e veta.”-shkruan gazeta.
Në Zvicër po festojnë çmendurisht fitoren e cila i vë në pozitë ideale për t’u kualifikuar nga ky Kampionat Botëror dhe mediat po falënderojnë shqiptarët për kontributin.
