Bashkia e Shkodrës ka nxjerrë në shitje klubin Vllaznia, ku tashmë është përcaktuar edhe vlera që do të dalë në ankand.
Vlera e Klubit të Futbollit Vllaznia nuk mund të jetë më vogël se 507 milionë lekë të vjetra.
Çmimi është vendosur nga kompania audituese Albanian Audit Partnes SHPK, ku sipas një raporti të dorëzuar në Bashkinë e Shkodrës ka arritur në përfundimin se se çmimi dysheme nuk mund të jetë poshtë 507 milion lekëve.
Ajo që vlen të përmendet është se vlerësimi është bërë kur Vllaznia ishte pjesë e Superligës.
Megjithëse çmimi dysheme është vendosur në 507 milonë lekë të vjetra, vlera mund të rritet në bazë të ofertave që do vijnë kur të hapet ankandi.
