Në një botë perfekte, menstruacionet do të vinin çdo ditë në të njëjtën muaj, do të ndiheshit pak në siklet për rreth një javë e më pas do të jetonit pjesën tjetër të 21 ditëve e qetë. Por duke qenë se bota nuk është perfekte, periodat mund të jenë të paparashikueshme, të dhimbshme, madje mund t’ju prishin edhe planet. Prandaj është e rëndësishme të dini çfarë është normale dhe çfarë po ndodh.
A mund të mbeteni shtatzënë gjatë periodave?
Nuk para ndodh, por nuk është e pamundur. Teorikisht, nëse ovulimi përkon me ditët e menstruacioneve dhe kryeni marrdhënie të pambrojtura, duke qenë se sperma mund të mbijetojë në nvaginë për 5 ditë, e kuptoni pjesën tjetër.
Sa gjatë duhet ta mbani një tampon?
Nëse nuk doni të rrisni shancet për Sindromën e Shokut Toksik, duhet ta ndërroni tamponin TË PAKTËN një herë nën 8 orë. Kjo sindromë është e rrallë por nëse e keni mbajtur tamponin për më gjatë se 8 orë dhe filloni përjetoni temperaturë, skuqje, të vjella apo diarre, shkoni menjëherë në urgjencë.
A është i sigurtë përdorimi i kontraceptivëve për të shmangur periodat?
Kjo është pyetje me spec, sepse gjaku që shihni gjatë asaj “javës” në muaj nuk është fare gjak periodash, por rrjedhje që vjen nga reduktimi i hormoneve. Pra duke marrë kontraceptivë ju jeni tashmë duke i shmangur periodat. Por megjithatë po, është e sigurtë marrja e kontraceptivëve nëse dëshironi ta ndaloni rrjedhjen “fallco” për një muaj.
A janë periodat fillimi apo fundi i ciklit menstrual?
Dita e parë e periodave është dita e parë e ciklit 28 ditor menstrual. Kjo zgjat 4-8 ditë. Në ditën e 14 fillon ovulimi. Nga dita 15-24 veza zbret në tubin fallopian drejt mitrës, ku, nëse nuk fertilizohet deri ditën e 28, degjeneron dhe del nga trupi. Më pas ktheheni në ditën e parë.
A është normale te shihni mpiksje gjaku?
Jo të gjitha femrat kanë mpiksje gjaku gjatë periodave, por nuk janë të pazakonta. Trupat tanë e rregullojnë ciklin në mënyrë të tillë që të mos humbim gjak deri në vdekje, prandaj mund të vini re mpiksje. Disa nga këto mpiksje vijnë edhe si rezultat i mos çarjes siç duhet të membranës së mitrës. Megjithatë nëse masa e tyre është e madhe lini një takim te mjeku sepse është tregues për një problem serioz.
A janë dhimbjet e papërballueshme të periodave normale?
Dhimjet janë të pritshme gjatë ciklit, por nëse ato janë aq të papërballueshme sa nuk ngriheni dot nga krevati, ju mund të keni endometriozë ose probleme të tjera.
Kur kaloni shumë kohë me një shoqe, a sinkronizohen periodat?
Nuk ka një përgjigje të prerë për këtë por ka gjasa që ciklet e dy femrave të sinkronizohen për shkak të feromoneve. Gjithashtu, nëse dy shoqe kalojnë shumë kohë bashkë, me shumë gjasa ato hanë të njëjtat ushqime, kanë të njëjtin regjim dhe ritëm të ditës, gjë që ndikon shumë.
Nëse nuk ju vijnë periodat, a do të thotë që jeni shtatzënë?
Ka shumë arsye pse mund mos t’ju vijnë periodat, dhe jo domosdo ka lidhje më diçka që rritet brenda jush. Kapërcimi i periodave lidhet edhe me humbje madhore peshe, ushtrim intensive, tiroidet, sindroma e vezëve policistike, kontraceptivët, menopausa dhe të tjera sëmundje kronike./Opinion.al
