Sot në orën 13:00 është planifikuar senaca për rivlerësimin e masës së sigurisë në Gjykatën e Apelit për Krime të Rënda për ish-ministrin e Brendshëm Saimir Tahiri.
Treshja e gjyqtarëve të Apelit për Krime të Rënda që do të vendosë sot për “fatin” e Saimir Tahirit, është thuajse e njëjtë me atë që i ktheu pasaportën disa muaj më parë.
Kryesuese e seancës është gjyqytarja Saida Dollani, ndërsa anëtarë janë Sokol Binaj e Fehmi Petku. Ky i fundit zëvendëson anëtaren e mëparshme, Nertina Kosova, e cila mësohet se ka dhënë dorëheqjen.
Një ditë më parë, ambasadori Donald Lu në një deklaratë të pazakontë tha se po u bëhet presion gjyqtarëve dhe madje u është ofruar rryshfet.
“Kemi dëgjuar disa raportime nga burime të pavarura për presione serioze në këtë çështje, përfshirë edhe ryshfete që u janë ofruar gjykatësve. Ne i bëjmë thirrje shoqërisë civile dhe medias që ta vëzhgojnë këtë çështje me vëmendje, në mënyrë që vendimi të bazohet mbi provat dhe ligjin dhe jo mbi presione, kërcënime apo para. Askush nuk është mbi ligjin”, ka thënë Donald Lu.
