Finalet e ‘Champions League’ mund të luhen në Amerikë ose në Lindjen e Mesme, pasi UEFA beson që vetëm shumë pak qytete evropiane kanë kapacitetin për të pritur një finale kaq të madhe, raporton ‘Sport Bible’.
Çmimet e udhëtimit dhe inflacioni në çmimet e akomodimit kanë goditur finalen e këtij viti në Kiev mes Real Madrid dhe Liverpool, pasi tifozët kanë hasur problem të shumta për rezervime në hotel në Kiev.
Sipas “New York Times” disa hotele kanë anuluar rezervimet që tifozët kanë bërë më parë, vetëm e vetëm që të bëjnë rezervime të reja me pesëfishin e çmimit.
Ndërkohë, qytetet e vetme evropiane që kanë mundësi akomodimi të mjaftueshëm janë Madridi, Parisi, Londra dhe Barcelona.
