Në emisionin ‘Opinion’ këtë javë u sollën në vëmendje të publikut një sërë zhvillimesh që vinin nga aktualiteti.
Java ka nisur me intervistën Fevziu- Kokëdhima, për akuzat qe ambasadori amerikan Lu ka hedhur ndaj kryetarit të ZGJIDHJA, mbrëmja e të hënës ka patur audiencen më të larte. E po ashtu është mbyllur me emisionin e të enjtes, për akuzat e PD-së ndaj ministrit të Brendshëm Fatmir Xhafaj, ky emision është renditur i dyti i javës sa i përket audiencës. Emisioni më pak i ndjekur i javës duket se ka qenë ai i të martës ku u trajtuan një sërë temash sociale.
Intervista e të hënës, e cila duhet thënë që u pasua nga pyetje dhe përgjigje të forta mes Kokëdhimës dhe Fevziut, sipas të dhënave ka marrë audiencën më të lartë të javës.
***
Mbrëmjen e të hënës në emisionin ‘Opinion’ ishte i ftuar kryetari i ZGJIDHA Koço Kokëdhima.
Në një intervistë përball gazetarit Blendi Fevzu, Kokëdhima foli për akuzat e fundit nga ambasadori Amerikan Donald Lu dhe zhvillimet më të fundit nga politika. Maksimumi i audiencës arriti 40.7%, ndërsa audienca mesatare ishte 32.2%.
Mbrëmjen e të martës në ‘Opinion’ u fol për disa tema që vinin nga zhvillimet e aktualitetit.
Pjesa e parë nisi me një reagim që tronditi rrjetet sociale, një status i psikologes dhe punonjëses së shtetit shqiptar, Genta Kaloçi ku shprehte kënaqësinë e saj për vdekjen e djalit 18 vjeçar të shkrimtares së njohur Flutura Açka.Po ashtu në vazhdim u fol për skandalin e dhunimit fizik e psikologjik në shtëpinë e Fëmijës në Vlorë, një video e publikuar nga emisioni STOP.
Ndërsa në pjesë e tretë u fol për ekspozitën ” urtësia e pashuar”, e cila është hapur në Shtëpinë e diktatorit Hoxha. Drejtuesi i emisionit ‘Opinion’, Blendi Fevziu, ka realizuar një intervistë me Drejtorin e Përgjithshëm të Arkivave, Ardit Bido në lidhje me librin e rrallë që zotëron Shqipëria, për Kodikët e Beratit. Maksimumi i audiencës ishte 32.9%, ndërsa audienca mesatare 26.5%.
Të mërkurën në mbrëmje në ‘Opinion’ u fol për shkarkimin Prokurorit të Krimeve të Rënda, Besim Hajdarmatajn. Shkarkimi i tij erdhi në një kohë kur Hajdarmataj ka marrë përsipër të hetoj ish- ministrin e Brendshëm Saimir Tahirin.
Në pjesën e dytë ishte i ftuar studiuesi Artan Lame i cili ka folur për të panjohurat e Luftës së Dytë Botërore. Audienca maksimale e ‘Opinion’ atë mbrëmje ishte 35.7% dhe audienca mesatare 26.6%.
Java u mbyll sërish me zhvillime nga politika, të enjten në mbrëmje në ‘Opinion’ u fol për akuzat e PD-së ndaj ministrit të Brendshëm Fatmir Xhafa.Sipas PD-së Fatmir Xhafa ka bërë ndryshime ligjore që kanë favorizuar çështjen penale të vëllait të tij Agron Xhafa, hapur nga shteti Italian. Audienca maksimale arrti n 39.8% ne orën 21:45, ndërsa audienca mesatare ishte 28.6%./Gerta Zaimaj-Opinion.al
