Lidhur me akuzat e opozitës për ministrin e Brendshëm Fatmir Xhafaj, që ka denoncuar me fakte se si sipas saj Xhafaj ka falsifikuar Kodin e Procedurës Penale për të mbrojtur vëllanë e tij të dënuar në Itali për trafik droge, ka reaguar sot edhe kryeministri Edi Rama.
Ndër të tjera ai tha se po të kishte diçka të vërtetë në këtë akuzë, do të kishte reaguar ambasadori amerikan Donald Lu, pasi ky i fundit është një ambasador shumë aktic sa i përket përmendjes së emrave të politikanëve që kanë probleme me drejtësinë dhe që i ka quajtur peshq të mëdhenj.
Por ish ministri i PD Besnik Mustafaj, nga studio e News24, tha sot se ky reagim i Ramës tregon se ai nuk ka argumente për të mbrojtur ministrin e tij.
“Kjo tregon se ai vetë i drejtohet opinionit publik shqiptar dhe parlamentit me këtë gjuhë se s’ka vetë asnjë argument llogjik apo faktik që ta hedhë poshtë akuzën e opozitës. Për mua regon mungesën tërësore të argumenteve për të mbrojtur ministrin e vet”, tha Mustafaj./Panorama
Ja cfarë tha Rama:
“Nëse do kishte një përgjegjësi të ministrit tonë të brendshëm, përpara se të flisnin këta, do fliste miku ynë protagonist i jetës sonë publike, Ambasadori Amerikan dhe BE. Do flisnin ata që nuk kanë lënë rast pa folur, pasi nuk kanë lënë rast pa verifikuar. Ata as kanë folur dhe as kanë çfarë të thonë fare. Për ata ky është një fakt i njohur dhe nuk përbën asnjë implikim direkt ose indirekt qoftë të qeverisë së këtyre, qoftë tonën”.
