Një gjykatë në Finlandë ka dhënë dënim me burg për bandën e drogës që drejtohej nga një shqiptar.
Dënimi më i ashpër u dha për shefin e bandës, Besnik Shehu, me 9 vite burg për 16.5 kilogram kanabis dhe 2.7 kg kokainë. Shehu e transportoi drogën nga Suedia në Finlandë.
Albano Dzurkova u dënua me 7 vjet burgim për 16.5 kilogram kanabis dhe 3.6 kilogramë kokainë. Gjithashtu ai u denua edhe per mbajtje te armeve te zjarrit.
Xhildo Kolaj u dënua me 4 vjet e 6 muaj burgim për 16.5 kilogram kanabis dhe 200 gram kokainë si dhe tentim për krime të armëve të zjarrit. Kolaj gjithashtu pati një lehtësim për shkak se bashkëpunoi me policinë.
Pjesa tjetër e anëtarëve u dënuan mes 2 dhe 9 muaj burgim. Për një prej tyre, gjykata shfuqizoi akuzat. Ne fund te gjyqit, autorët u ndeshkuan edhe me nje gjobe prej 234,000 euro në kompensim për shtetin për përfitime ekonomike.
Policia Qendrore Penale (CKP) publikoi javën e kaluar një statistikë që tregoi se bandat shqiptare kanë zbarkuar në Finlandë. CKP i përshkroi ata si profesionist, efektiv dhe të armatosur.
