Mbyllet me fitoren e Kukësit supersfida e javës së 31-të e Kategorisë Superiore mes Skënderbeut dhe Kukësit.
Pjesa e parë u mbyll pa gola, ndërsa në të dytën Kukësi shënon në minutën e 78-të nga një goditje dënimi. Guri gjuan në mënyrë perfekte, duke e dërguar topin në trekëndëshin e portës korçare.
Ndeshja e radhës për Skënderbeun do të luhet në datën 5 maj në transfertë ndaj Laçit.
Në rast se korçarët do të merrnin të paktën një pikë do të shpalleshin zyrtarisht kampion këtë sezon në Superiore.
