Reali i Madridit hedh një hap të sigurtë drejt finales së Kievit. Kampionët në fuqi të kompeticionit përmbysën Bayern Munich, duke fituar me shifrat 1-2.
Pavarësisht se ishin vendasit ata që dominuan kundërshtarin, spanjollët treguar menjëherë dhëmbët, duke treguar dhe njëherë se Uefa Champions League është “habitati” i tyre.
Rastet e mirë për të shënuar ishin të shumta, por duhej të vinte minuta e 28-të që të zhbllokoheshin shifrat. Ishte Kimmich që duke përfituar nga boshllëku i lënë në krahun e majtë nga Marcelo vrapoi i vetëm përballë Navas, duke e mposhtur këtë të fundit me një goditje potentet.
Reagimi i miqve nuk vonoi, me Marcelo që mori “hak”, duke realizuar në sekondat e fundit golin e barazimit.
Me fraksionin e parë që u mbyll në barazim, pjesa e dytë ishte tepër emocionuese.
Me nisjen e së dytës, Zidane përforcoi sulmin me Asensio, që ia shpërbleu besimit, pasi në minutën e 57-të u tregua “akull” para Ultreich, për t’i dërguar shifrat në 1-2.
Një rezultat që mbeti i pandyshuar deri në fund të takimit, duke i dhënë një “bonus” jo pak të madh Realit të Madridit, që vetëm i duhet të menaxhojë avantazhin në takimin e javës së vjen, për të qënë ata finalistja në finalen e Kiev-it.
