Trajneri i Juventusit, Massimiliano Allegri duket se ka lënë pas humbjen që skuadra e tij pësoi ndaj Napolit ditën e djeshme.
Menjëherë pas sfidës, trajneri italian ka thënë se Juventusi është ende në garë për të fituar titullin në Seria A.
“Ishte një ndeshje e tmerrshme nga të dy skuadrat. Munguan rastet për gol. Ne kishim disa vështirësi, por duhet të tregoheshim më të kujdesshëm në fund. Tani kemi një ditë pushim, pastaj kemi një javë për t’u përgatitur për atë që unë mendoj se është ndeshja vendimtare e sezonit, ajo ndaj Interit.
Ne ende jemi në krye të tabelës. Janë edhe katër ndeshje, dy në shtëpi dhe dy në transfertë, të shikojmë se çfarë ndodh” ka thënë Allegri për ‘Mediaset Premium’.
Ndeshja midis Interit dhe Juventusit do të luhet këtë të shtunë në orën 20:45 në stadiumin Giuseppe Meazza.
