Kastriot Gjuzi, i dyshuar si autori kryesor për vrasjen e Mario Majollarit, është shfaqur tejet i qetë sot në sallën e gjyqit, ku gjykata i caktoi atij edhe masën e sigurisë ‘arrest me burg’.
Teksa konfirmoi të dhënat e tij personale, 40-vjeçari qëndroi pas kafazit të xhamit, në pritje të masës, ndërsa nuk u shfaq aspak nervoz.
‘BalkanWeb’ ka publikuar nga salla e gjyqit disa foto, ku shihej edhe vet autori i dyshuar për vrasjen e 28-vjeçarit më datë 10 prill në rrugën “Aleksandër Moisiu” në Kinostudio.
Gjuzi ka mohuar kategorikisht akuzat për vrasjen me armë të të riut në Tiranë, ndërsa theksoi se në lagjen e këtij të fundit kishte shkuar pasi aty kishte vjehrrën.
