Mes dhjetëra reagimeve për rekomandimin pozitiv të KE për hapjen e negociatave ka reaguar edhe dega e PD në Britaninë e Madhe. Kryetari i i saj, Naim Hasani shkruan se ky është një mesazh i qartë se shqiptarët janë pjesë e Europës ndërsa thote se klasa politike të ndergjegjesohet se interesi i kombit duhet medoemos të jete primare ndaj çdo ambicje personale dhe partiake.
Deklarata e plotë
Dega e Partise Demokratike në Britani pershendet vendimin e Komisionit Europian për ti rekomanduar Keshillit të Ministrave të BE, qe do të mblidhet në Qershor 2018, hapjen e negociatave per anetaresimin e Shqipërisë më të drejta te plota ne familjes Europiane.
Urojme të gjithë shqiptarët kudo qe jane për kete arritje qe edhe pse shume e vonuar, tregon se dyert e Europes mbeten gjithmone të hapura.
Shpresojme qe klasa politike të ndergjegjesohet se interesi i kombit duhet medoemos të jete primare ndaj çdo ambicje personale dhe partiake.
Shprehim falenderimet dhe respektin për politikanët largpames dhe strategë të Bashkimit European, të cilet edhe pse në nje kohe kur skepticizmi ndaj zgjerimit të BE me vendet të Ballkanit eshte i perhapur masivisht, gjithsesi i dhane nje mesazh të qarte Shqipërisë dhe shqiptarëve se ata jane dhe mbeten pjese e familjes Europiane dhe se rruga qe do të ndjekin për arritjen e qellimit final eshte teresisht në doren e tyre.
Ky eshte padyshim nje lajm i mire për të gjithë shqiptarët në Ballkan dhe bashkimit të tyre në familjen e perbashket europiane, me shpresen për nje qeverisje demokratike, në interes të popullit dhe jo vetvetes, larg korrupsionit dhe influences se pushtetit kriminal në qeverisje qendrore dhe lokale dhe respekt për paprekshmerine e votes dhe garantimin e fjales se lire si elemente kryesore te Europes se Bashkuar.
Shpresojme dhe besojme qe qeverise shqiptare ti ushtrohet presion maksimal nga Bashkimi European qe kurre më Parlamenti shqiptar të mos pushtohet nga kriminele qe nuk kane asgje të perbashket më aspiratat e popullit shqiptar për liri dhe demokraci.
