Kryeministri Edi Rama ka dhënë një intervistë të shkurtër gjatë edicionit qendror të lajmeve në ‘Top Channel’, ku ka folur për propozimin e Komisionit Europian për hapjen e negociatave me Shqipërinë.
Gazetari e pyeti Ramën për rolin e opozitës në këtë proces dhe nëse Partia Socialiste po e mendon bashkëqeverisjen me opozitën, por përgjigjja që mori ishte se “bashkëqeverisjen e kemi me qytetarët”.
“Ne bashkëqeverisjen e kemi me qytetarët dhe këtë proces duam ta bëjmë sa më konkret”, tha Rama, ndërsa shtoi se kërkon nga opozita që të flasë me një gjuhë me qeverinë për procesin integrues në BE.
