Tre të rinj janë arrestuar në Tiranë për shpërndarje të lëndëve narkotike. Policia tha se ata vepronin nën zonën e 21 Dhjetorit, dhe lënda narkotike e llojit marijuanë ishte e destinuar për nxënësit e shkollave 9-vjecare që janë në këtë zonë.
Në pranga kanë rënë : Gentian Kurti 25 vjeç, banues në Tiranë, Marko Bano 19 vjeç, banues në Tiranë dhe Xhulio Koprencka, 23 vjeç banues në Tiranë.
“Shtetasit e mësipërm në bashkëpunim me njeri tjetrin kryenin aktivitet të kundraligjshëm të shitjes së lëndëve narkotike të dyshuar “Cannabis Sattiva” kryesisht pranë shkollave 9-vjeçare në zonën e “21 Dhjetorit”, thuhet në njoftimin e policisë.
Gentian Kurtit, në momentin e ndalimit në rrugën e “Babe Rexha”, gjatë kontrollit fizik i janë gjetur 10 qese farmaceutike me bimë të dyshuar narkotike të llojit “Canabis Sativa” gati për hedhje në treg.
Gjithashtu në banesën ku keta shtetas kishin marrë me qira janë konstatuar shtetasit Marko Bano, Xhulio Koprencka të cilët merrëshin me pergatitjen e kësaj lënde narkotike të cilën e ndanin në doza , ku iu është gjetur dhe sekuestrua në cilësine e provës material dhe 801 gram bimë e dyshuar narkotike të llojit “Canabis Sativa “si dhe një peshore elektronike.
Ata akuzohen veprën penale të “Prodhim dhe shitje të narkotikeve e kryer në bashkepunim” të parashikuar nga neni 283/2 të Kodit Penal.
/Opinion.al
