Është përcjellë në banesën e fundit, Adea Shabani, aktorja shqiptare e cila u gjet e vdekur në Shtetet e Bashkuara të Amerikës. Një muaj pas zhdukjes së saj, trupi i Adeas u gjet i groposur, ndërsa të gjitha dyshimet çojnë tek i dashuri i saj, si autor i ngjarjes.
33-vjeçari Kris Spoc u vetëvra teksa ndiqej nga policia, pak ditë para se trupi i Adeas të gjendej i groposur.
Ajo u përcoll dje në banesën e fundit, sipas ritualeve fetare në varrezat e Butelit ne Shkup. Ne ceremonine percjellese nuk munguan as mikesha të saj të ardhura nga SHBA.
“Në disa nga bisedat tona në Skype, ajo ka qenë e shoqëruar me lodra nga Disney dhe me një buzëqeshje të pafajshme, nuk pranonte kritika që tani është e rritur. Me të njejtën buzëqeshje që mbante kur hante ushqimin e saj te preferuar, këtë buzëqeshje kishte edhe për përcjelljen e ëndërrave të saj dhe kur shihte se si po realizohen ëndrrat e te tjerëve”, tha Zoja Suroi.
Shoqja tjetër e cila vinte nga Shtetet e Bashkuara, Elizabeth kujtoi momentet gazmore me Adean.
“Sa të qeshura ishim dhe sa të lumtura. Gjitha ato kohëra perfekte me ty. Faleminderit për këto kujtime e dashura ime. Faleminderit që më deshte pa kushte. Në të mirë, në të keq, në varfëri dhe në pasuri. Në momnte qesharake dhe të hidhura. Falemnderit që më deshte pa paragjykime . B esoj që din që edhe unë të dua ty”, tha Elizabeth Che.
Ngushëllime shprehën edhe miqtë e tjerë, të cilët nga pamundësia për të ardhur në mbledhje përkujtimore, kishin përgatitur një video-material, shkruan TV 21.
Adea për herë të fundit, është parë e gjallë më 23 shkurt të këtij viti, në afërsi të shtëpisë së saj, në Hollivud. Pas zhdukjes së saj, prindërit angazhuan detektiv privat për kërkimin e të bijës. Ata ofruan 25 mijë dollarë edhe për informacionin më të vogël që kishte të bëjë me të ndjerën, mirëpo kjo rezultoi pa sukses.
