Nga kati i nëndheshëm i një ndërtese në zonën e bllokut, shume prane ambasades ruse, mëngjesin e sotëm është dëgjuar një shpërthim shoqëruar më pas me flakë, si pasojë e të cilit është plagosur një person. Shtetasi Sh.P., 50 vjeç, ndodhet në spital jashtë rrezikut për jetën.
Ngjarja ka ndodhur brenda një ambjenti fast food dhe nga hetimet paraprake, mendohet se shkak ka qenë një rrjedhje gazi. Policia bën me dije zyrtarisht informacione më të detajuara.
Njoftimi i policisë
Me date 08.04.2018 rreth orës 07:00, në Sallën Operative ka ardhur një telefonatë se në rrugën “Ibrahim Rugova”, në një pike shitje ra zjarr.
Menjëhere në vendngjarje kanë shkuar shërbimet e Policisë dhe Zjarrëfikësja, te cilat kanë konstatuar se në një byrektore kishte rënë zjarr.
Shkak paraprakisht dyshohet rrjedhja e gazit.
Për pasojë është dëmtuar pronari i subjektit shtetasi Sh.P., 50 vjeç, i cili ndodhet në spital jashtë rrezikut për jetën.
Grupi hetimor po punon për zbardhjen e plotë të shkaqeve dhe rrethanave. / Opinion.al
