E ftuar në emisionin “Rudina”, Enca Haxhia ka rrëfyer në një intervistë detaje në lidhje me klipin e saj të fundit “Dua”, i cili u komentua shumë në media. Skenat e nxehta ishin ato të cilat tërhoqën vëmendjen e publikut dhe Enca u shpreh se për të ishte e hera e parë që shkëmbente puthje në një klip.
Ajo tregoi se skena e parë që kishin xhiruar ishte skena në dhomë, për të cilën u diskutua shumë dhe duke qenë se ishte hera e parë që xhironte me Pierluigin ishte vënë në siklet.
“Ishte dita e parë, ishim në një suitë me 30, 40 persona të stafit aty”, u shpreh Enca teksa rrëfeu se kjo ishte hera e parë që puthte dikë në klip.
Nga ana tjetër Pierluigi i dërgoi Encës një videomesazh ku e përshëndeste nga Spanja duke e quajtur Mbretëreshë dhe duke e falenderuar për mundësinë që i dha për të qenë pjesë e klipit.
