Mbrëmjen e sotme emisioni ‘Opinion’ po trajton taksën në “Rrugën e Kombit” dhe protestat e qytetarëve atje.
Në prapakuintat e emisionit janë regjistruar disa momente pak pasi filloi transmetimi i drejtpërdrejtë në ekranin e TVKlan.
Nga dhoma e montazhit, tek korridori dhe deri në studio, stafi dhe të ftuarit shihen të bëjnë përgatitjet dhe bisedat e fundit lidhur me temën e cila duket se këto ditë ka qenë në qendër të vëmendjes të opinionit publik.
Ndërkohë sonte në ‘Opinion’ kanë anuluar pjesëmarrjen në momentin e fundit dy te ftuar. Sikurse vetë Blendi Fevziu ka thënë në fillim të transmetimit, i ftuari i tetë i emisionit të sotëm ka njoftuar vetëm 2 minuta para nisjes së transmetimit, se për shkaqe shëndetësore nuk do të paraqitej në emision.
Por njëkohësisht, Blendi Fevziu është shprehur se një tjetër i ftuar, ka anuluar paraqitjen në emision, gjithashtu për arsye shëndetësore, por ky i fundit kishte njoftuar rreth orës 20:30, duke lejuar kështu stafin të merrte masa për ta zëvendësuar me dikë tjetër.
“Ndoshta ka rënë ndonjë epidemi”, u shpreh Fevziu në transmetim direkt.
Pavarësisht një situate jo të zakontë emisioni ka vazhduar si zakonisht
Ndiqni më poshtë atë që ndodhi pas kamerave në ‘Opinion’:/G.Z-opinion.al
