Kjo javë në emisionin “Opinion” ka patur një sërë zhvillimesh dhe personalitetet të ftuar në panele. Në dy emisione kanë marrë vëmendje zhvillimet botërore dhe në dy të tjerë zhvillimet nga aktualiteti dhe politika në vend. Këtë javë temat e emisioneve kanë pasur audiencë të lartë dhe rezultatet nga njëri emision në tjetrin janë të ngushta.
Më poshtë ju njohim me temat dhe audiencën që është shënuar gjatë kësaj jave në “Opinion”:
Ditën e hënë (19 mars 2018) në emisionin ‘Opinion’ u fol për arrestimet e disa zyrtarëve të lartë të qarkut të Lezhës, të akuzuar për abuzim me pronat: “Çfarë fshihet pas arrestimeve në Lezhë”, ishte pyetja e drejtuesit të emisionit për të ftuarit në panel. Audienca mesatare në atë mbrëmje ishte 38.1% dhe audienca maksimale arriti në 46.4%.
Mbrëmjen e të martës (20 mars 2018) në emisionin ‘Opinion’ u fol për Presidentin e Rusisë Vladimir Putin. Për rreth dy orë në ‘Opinion’ u trajtua jeta personale e Putin, udhëheqja e Rusisë prej tij, ndikimi i tij në botë dhe marrëdhëniet mes Putin-Trump. Sa i përket audiencës mesatare në këtë emision ishte 26.4% dhe maksimalja 35.2%.
Mbrëmjen e së mërkurës (21 Mars 2018) në emisionin ‘Opinion’ ishte i ftuar një nga personalitetet më të rëndësishme amerikane, ish-kryebashkiaku i New York-ut Rudi Xhuliani (Rudolph Giuliani). Në këtë intervistë për rreth një orë e gjysmë ish kryebashkiaku i New Yorkut ka folur për jetën e tij personale, marrëdhënien dhe miqësinë me kreun e Shtëpisë së Bardhë Donald Trump, për politikën e jashtme, marrëveshjen me Iranin, takimet me Putin dhe Erdogan. 24.4% ishte audienca mesatare e emisionit atë mbrëmje, ndërsa maksimalja u shënua 29.8%
Të enjte (22 mars 2018) në emisionin “Opinion”e ftuar ka qenë kryetarja e Lëvizjes Socialiste për Integrim Monika Kryemadhi, e përball katër gazetarëve dhe drejtuesit të emisionit Blendi Fevziu në një intervistë live për rreth dy orë, ku u pyet për zhvillimet e fundit politike, marrëdhëniet me PS dhe PD. 32.6% ishte audienca mesatare dhe ajo maksimale 48.1%.
Në bazë të të dhënave të audiencës kemi dy emisione “Opinion” që janë me rezultat të ngushtë mes tyre; ai i ditës së hënë dhe ai i ditës së enjte. Ditën e hënë mesatarja e emisionit ka qenë më e larta ndërsa ditën e enjte maksimalja e emisionit ka thyer rekordin e javës duke shkuar në 48.1%.
/G.Zaimaj-opinion.al
