Trupi i shkencëtarit Stephen Hawking do të prehet pranë ‘mendjeve’ më të mëdha të të gjitha kohërave: Njutonit dhe Darvinit në Abbey të Westminsterit.
Hawking një nga emrat më të njohur të shkencës në kohën tonë, ndërroi jetë javën e kaluar në moshën 76-vjeçare, pasi gjithë jeta e tij u përkushtua në zbulimin e origjinës së Universit, misterit të vrimave të zeza dhe kohës.
Pjesa më e madhe e jetës që kur u diagnostikua në moshën 21 vjeçare me sëmundjen neurone motorike, kaloi mbi një karrocë të paaftësh.
Shëndeti i tij u përkeqësua gjatë dhjetëvjeçarëve të fundit, ndërsa komunikonte vetëm përmes një pajisjeje me zë të kompjuterizuar.
Në Abby Westminister, janë varrosur 17 monarkë dhe disa nga personalitete më të famshëm të historisë britanike, njoftoi se gjatë këtij viti do të mbahet një Liturgji Hyjnore Falenderuese, gjatë së cilës do të varroset Hawking.
Mes emrave të shkencës, si: Isak Njuton, personi që vendosi themelet e matematikës moderne dhe formuloi ligjin e gravitetit, i cili u varros në Abbey në vitin 1727, Çarls Darvin, teoria e të cilit ishte evolucioni dhe gjithashtu u varros aty në vitin 1882, do të prehet edhe trupi i Stephen Hawking.
Varrimi në Abbey është një nder i rrallë.
Varrimet më të fundit të shkencëtarëve ishin ato të Ernest Rutherford, pionier i fizikës bërthamore në 1937 dhe Joseph Thompson, i cili zbuloi elektronet./PROlajm.al
Memoriali i dedikuar për Isak Njuton në Abbey
Varri i Çarls Darvinit
