Violinisti Olen Cesari, ishte i ftuar te Rudina pasditen e djeshme. Gjatë intervistës ai rrëfeu një episod mjaft interesant me këngëtaren e njohur Selena Gomez. Ai ka treguar se gjatë qëndrimit në Itali, rastisi në të njëjtin hotel me Selena Gomez dhe madje edhe në dhoma ngjitur. Ai priste eventin “Artisti i Vitit” në Itali por nuk e dinte që në dhomën ngjitur kishte një personazh kaq të njohur.
Ai tregoi se po dëgjonte ulërima të cilat nuk i kuptonte se nga vinin deri sa zbuloi se cila ishte komshia ngjitur. Pas shkëmbimit të disa batutave mes tyre, këngëtarja e kishte ftuar violinistin për një darkë, por ai e kishte refuzuar duke i thënë se darka ishte e përfshirë në eventin ku do merrnin pjesë.
“Shihja nga penxherja që kishte nja 1 mijë goca që ulërisnin dhe kur dal për të parë se çfarë ka ndodhur, pashë që komshia ime po ia bënte me dorë. I thashë që ajo ishte shkaktarja e kësaj rrëmuje. Ajo ngeli. Më pas më tha që do të më jepte një darkë për të ma shpërblyer shqetësimin, por unë i thashë që nuk ka gjë se darkën e kemi nga festivali dhe bëmë muhabete e gallata pastaj.”- është shprehur ai./Opinion.al
