Gazetari Armand Plaka ka publikuar katër foto të Kombëtares Shqiptare të dala nga arkivat holandeze.
Nëpërmjet një statusi në profilin e tij në Facebook, Armand Plaka shpjegon se ndeshja midis Shqipërisë dhe Holandës është ndeshja e parë ndërkombëtare për Shqipërinë dhe për këtë arsye, ajo ka hyrë edhe në histori.
“Nuk është se lidhet me ndonjë përvjetor të veçantë, por fakti se përbën ndeshjen e parë zyrtare ndërkombëtare të Shqipërisë për eliminatoret e një Botërori (konkretisht “Angli 1966”) dhe meqenëse ndodhemi pak muaj para zhvillimit të një eventi të madh futbollistik siç është “Rusia 2018”, nuk mund të lija dot pa publikuar për publikun sportdashës shqiptar, katër foto shumë cilësore bardhezi, të nxjerra nga arkivat holandeze”, – shkruan Plaka në Facebook.
Më tej ai shpjegon edhe disa detaje rreth ndeshjes, por edhe se si ka përfunduar ajo.
“Në atë ndeshje kombëtarja shqiptare luante me fanella të bardha, ndërsa formacioni përmbante emra të mëdhenj të historisë sonë të futbollit si: Panajot Pano, Ali Mema, Robert Jashari, Mikel Janku, Mehdi Bushati, Bahri Ishka, Pavllo Bukoviku, Fatbardh Deliallisi, Lin Shllaku e Skënder Halili, të drejtuar nga Zyber Konçi. Duket se paraardhësit tanë e patën të vështirë të kalonin një kundërshtar si Holanda ( duke u mundur në fakt me të njëjtin rezultat edhe në ndeshjen e kthimit në Tiranë), e cila duhet thënë se akoma nuk kishte mbërritur në “epokën e saj të artë”, ku do ti afrohej dy herë titullit Botëror” shton Plaka.
Ndeshja e luajtuar midis Shqipërisë dhe Holandës i përket datës 24 maj 1968, ku ekipi ynë kombëtar ka humbur me rezultatin 2-0./opinion.al
