Se kishim menduar ndonjëherë, por Ledri di si të sillet me fansat!
Ledri Vula është një nga reperët më të dashur dhe më të pëlqyer për publikun. Ai është shumë aktiv në muzikë, me hite të reja dhe aktiv në koncerte ku publiku nuk mungon asnjëherë.
Por këta të fundit paskan bërë edhe “çmendurira” për reperin i cili e ka pranuar vetë në një intervistë televizive.
“Fanset kanë bërë disa çmenduri për mua. Kanë arritur deri aty sa të djegin dorën për të shkruar emrin tim. Pas kësaj, gjë e cila s’më ka pëlqyer, i kam takuar për të mos e përsëritur më. Fanset e mia janë mjaft të edukuara, e mua më pëlqen ti takoj”- është shprehur ai.
Sakaq, ka treguar se po përgatit projekte të reja muzikore, ndërkohë për sa i përket jetës personale ai është shprehur se i pëlqen e bukura, por për të krijuar lidhje serioze do presë dhe disa vite.
