Hubert de Givenchy, krijuesi i shtëpisë së modës franceze, ka ndërruar jetë në moshën 91 vjeçare. Lajmin e ka bërë të ditur familja e tij me anë të agjencisë së lajmeve AFP. Ai ka ndërruar jetë ditën e shtunë, ndërsa sot është bërë publike. Prej më shumë se 5 dekadash ai ka veshur njerëz si Jackie Kennedy, Audrey Hepburn, e shumë personalitete të tjerë.
Ai e krijoi shtëpinë e modës Givenchy në vitin 1952, dhe më pas e shiti labelin e tij për LVMH në vitin 1988. Megjithatë ai vijoi të ishte pjesë e kësaj kompanie si drejtor kreativ deri në vitin 1995 kur ai vendosi të dilte në pension.
Tashmë Givenchy drejtohet nga Clare Waight Keller, e cila është gruaja e parë që merr drejtimin e kësaj kompanie.
