Ky shkëmb në kodër u rri mbi kokë banorëve të Tërbuqit në Gjirokastër. Tetë familje u evakuuan natën e kaluar. Nuk do kthehen në shtëpite e tyre derisa masivi shkëmbor të shkatërrrohet. Bazamenti i tij është dëmtuar për shkak të shkarjeve të tokës nga reshjet.
Banorët tregojnë se përveç shkëmbit, ujësjellësi i fshatit është dëmtuar dhe ata nuk po furnizohen as me ujë të pijshëm.
Bashkia e Gjirokastrës ka nisur ndërkohë procedurat e tenderimit për shkatërrimin e shkëmbit që rrezikon fshatin Tërbuq. Por nuk ka një afat kohor për nisjen e ndërhyrjes.
