Një vend i mbyllur dhe pa shumë alternativa, Shqipëria komuniste ka patur disa elementë me të cilët identifikohej dhe pë rata që jetuan ato vite janë plotësisht të dallueshëm.
Një faqe në instargam, e quajtur “Nostalgjikët” ka vendosur të sjellë momente të fotografuara nga jeta gjatë sistemit komunist apo vitet e para të demokracisë, ku shqiptarët jetonin një realitet krejt të ndryshëm nga ky I sotmi.
Rrugë të zbrazura, pak mjete në qarkullim, autobusë të vjetër e të tejmbushur për transportin publik, njerëz që përdorin kamionët për të udhëtuar dhe fëmijë që improvizojnë gomat e makinave si kamardare plazhi.
Një realitet i panjohur për të lindurit e pas viteve ’90 e që duket shumë i largët, teksa përcillet sot përmes fotove.
