Ndjeshmëri të lartë ka krijuar në Itali fakti se partia anti-imigracion, Lega Nord, ka bërë më dije se një nga senatorët e saj të zgjedhur do të jetë edhe Tony Iguombi, një sipërmarrës nigerian.
Mirëpo, një nga ata që ka reaguar ashpër ndaj zgjedhjes së Iguombit me këtë parti është edhe Mario Baloteli.
“Ndoshta unë jam i verbër ose ndoshta nuk i kanë thënë se është i zi. Turp!”,- shkruan Baloteli në Instagram.
Ndërkaq, mediat italiane kujtojnë se Baloteli ka qenë shpesh herë edhe ai viktimë e qëndrimeve raciste në stadiumet italiane, madje tifozët i kanë hedhur edhe banane në fushë.
‘Super-Mario’, ka publikuar në rrjetin social Instagram një fotografi të Iguombit, ku ai portretizon shprehjen: ‘Ndaloni pushtimin’, duke ironizuar flukset e emigrantëve dhe refugjatëve drejt Europës.
Nga ana tjetër, kreu i Legas, Matteo Salvini i është përgjigjur futbollistit, duke shkruar në Tëitter: “Balotelli kurrë nuk më pëlqente në fushë dhe akoma më pak jashtë saj”./ PROlajm.al
