Sot në mëngjes u njoftua në media se është arrestuar biznesmeni Ahmet Muçaj i njohur ndryshe si “Meti i Kristalit”. Universiteti i tij u mbyll 4 vite më parë nga qeveria Rama ndërsa kohët e fundit ishte mbajtur nën survejim nga policia. Në një njoftim për mediat, policia thotë se procedimi penal ndaj tij është regjistruar më 22 Janar të këtij viti, ndërsa arrestimi u krye në kushtet e flagrancës. “Po i dorëzonte një shtetaseje nje diplome “Bachelor”, dega “Drejtesi”, kundrejt parave”, deklaroi prokuroria e rrethit gjyqësor Tiranë. Ka dyshime se diplomat e faksifikuara lëshoheshin me data të mëparshme (para se universitetit privat të mbyllej).
Në vijim njoftimi i plotë
Prokuroria Prane Gjykates se Shkalles se Pare ka regjistruar procedimin penal nr. 741 date 22.01.2018, lidhur me referimin e bere nga Drejtoria Vendore e Policise Tirane, per dyshime ne dhenien e diplomave te falsifikuara.
Ne kuader te ketij hetimi, Drejtoria Vendore e Policise Tirane, ne bashkepunim me Prokurorine, kane arrestuar ne flagrance shtetasin Ahmet Mucaj, ish administrator i Universitetit “Kristal”, per vepren penale “Korrupsioni pasiv ne sektorin privat”, parashikuar nga neni 164/b i Kodit Penal, i cili eshte kapur ne kushtet e flagrances duke i dorezuar nje shtetaseje nje diplome te nivelit “Bachelor”, dega “Drejtesi”, kundrejt marrjes se nje vlere monetare.
/Opinion.al
*Foto ilustruese
